Albisteak

Goratuk eta IK4-TEKNIKERek goi-mailako tornu bertikalen lerro berri bat merkaturatu dute

Produktu berriak, Geminis VL izenekoak, aeronautikan eta energiaren sektorean ditu aplikazioak, besteak beste eta munduko makina-erremintaren azoka nagusian, EMOn, aurkeztuko da, Milanen.

Iñaki Aranburu, IK4ko lehendakari berria

Iñaki Aranburu, IK4-IKERLANeko lehendakaria, izendatu dute IK4ko lehendakari, Jesús María Iriondok amaitu baitu bere agintaldia. Hemendik aurrera, IK4-TEKNIKEReko lehendakari gisa jarraituko du aliantzarekin lanean Jesús María Iriondok.

“Engranajeen neurketa”, industriari balioa emateko berrikuntza bat

Zerbitzu berriaren bidez, zehatz-mehatz neurtzen dira engranajeak, eta behar diren parametroak lortzen dira. Hala, engranajeetan akatsik eta posizionamendu okerrik ez dagoela ziurtatzen da.

Fabrikazio aurreratua: Osagai adimendunei buruzko komunitate bat sortzea

Etorkizuneko industriako osagai adimendunei buruzko komunitate bat sortzea helburu duen ekimen batean parte hartzen du zentro teknologikoak.

Korrosioarekiko eta higadurarekiko erresistenteak diren estaldura berriak biomedikuntzan erabiltzeko

IK4-TEKNIKER zentro teknologikoak teknologikoki aurreratuak diren material batzuk garatu ditu, hortz, belaun eta aldaka-protesiak estaltzeko. Korrosioarekiko eta higadurarekiko erresistenteak dira, eta horrek inplanteen iraupena luzatzen du.

Biomaterial berriak nerbio-sistema periferikoko lesioei aurre egiteko

Europako NEURIMP proiektuak —IK4-TEKNIKER da buru— bioteknologia eta mikroteknologia konbinatzen ditu, nerbio periferikoetako lesioak osatzeko. Horri esker, gaur egun erabiltzen diren inplante autologoak ordeztuko dituzten protesi berriak garatu ahalko dira, eta nerbioko ebakirik larrienei arrakastaz aurre egin.