IK4-TEKNIKERek parte hartuko du makina-erremintari aplikaturiko automatizazioari buruzko jardunaldi batean
12-02-2019
Zentro teknologikoak hitzaldi batekin hartuko du parte AER eta AFM elkarteek elkarrekin antolatu duten jardunaldian, eta ekoizpen-prozesuan robotak txertatzeaz jardungo du.
Espainiako Robotika Elkarteak (AER) eta Makina Erremintaren Fabrikatzaileen Espainiako Elkarteak (AFM Advanced Technologies) elkarrekin antolatu dute "Makina-erremintari aplikaturiko automatizazioa" izeneko jardunaldi teknikoa, robotetan oinarritutako automatizazioak makina-erreminten produktibitatea areagotzeko ematen dituen irtenbideen gaineko ikuspegi praktikoa eskaintzeko xedez.
Jardunaldia Elgoibarreko (Gipuzkoa) IMH eraikinean egingo da, otsailaren 20an, eta hainbat enpresak eta zentro teknologikok hartuko dute parte; horien artean, IK4-TEKNIKERek.
Hala, zentro teknologikoak hitzaldi batekin hartuko du parte jardunaldiaren bigarren zatian, non "erabileran dauden prozesuak" jorratuko diren. Hitzartze horretan, ekoizpen-prozesuan robotak txertatzeaz, bin picking tratamendu espezifikoaz eta makina-erremintan ezarritako lubrifikazio lagunduaz jardungo du.
Makina-erreminta, automatizazio-teknologia eta robotika industriala fabrikatzen dituzten enpresei eta horien erabiltzaileei dago zuzenduta jardunaldia. Saioan, bertaratzen direnek informazioa jaso ahalko dute hornitzaileengandik, eta galderak egin ahalko dizkiete, edota horiekin hitz egin, erakusketa-gunean.
Informazio gehiago
Informazio gehiago izateko, egitaraua kontsultatzeko eta izena emateko, sar zaitez AFMren webgunera.