LUBMAT-IBERTRIB 2024ko batzorde zientifikoak lubrifikazio, mantentze eta tribologiako eragile nagusiak biltzen ditu

LUBMAT-IBERTRIB 2024 biltzarra lubrifikazioaren, tribologiaren eta mantentze-lanen industriako eragile garrantzitsuenen topagunea izango da. Ekainaren 18tik 20ra bitartean bilduko dira Donostiako Kursaal Jauregi eta Auditorioan.

Hiru jardunalditan, industria-konpainiek eta arlo horietan nabarmentzen diren ikerketa-erakundeek beren zerbitzuak eta soluzioak aurkeztuko dizkiote nazioarteko publiko espezializatu bati.

Biltzarrak bi batzorde izango ditu edizio honetan ere, eta Tekniker zentro teknologikoa izango du buru, hain zuzen ere Ana Aranzabe doktorea, Zuzendariorde Nagusi eta Teknologiako Zuzendaria.

LUBMAT-IBERTRIBeko lehendakariordetza, bestalde, honako hauen esku egongo da: Javier Barriga, Tekniker-eko Tribologia eta Materialen zuzendaria; Ian Sherrington, JOST Lubrifikazio eta Teknologiarako Institutukoa; eta Ahmed Onsy, Lancashire Centraleko Unibertsitatekoa.

Batzorde antolatzailea

LUBMAT-IBERTRIB 2024k batzorde antolatzaile bat du, Tekniker, Bureau Veritas eta Atten2-ko kideek osatua. Hiru erakunde horiek sustatu dute aurtengo edizioa.

Batzorde horren zeregina ekitaldia planifikatzea, egikaritzea eta ebaluatzea da, eta programa definitzeaz eta diseinatzeaz arduratzen da.

Batzorde zientifikoa

Biltzarreko batzorde zientifikoak lubrifikazio, mantentze eta tribologiako nazioko eta nazioarteko eragile nagusiak biltzen ditu.

Estatuko, Europako eta munduko enpresa, unibertsitate, ikerketa-zentro eta institutuetako 30 kidek osatzen dute, besteak beste, Atten2, Bureau Veritas, FLUITEC, Sevillako Materialen Zientzia Institutua, JOST Lubrifikazio Institutua, Santiagoko Unibertsitatea, Nafarroako Unibertsitate Publikoa, Lisboako Unibertsitatea edo Zeramika eta Kristal Institutuko kideek.

Ezagutu LUBMAT-IBERTRIB 2024ko batzordeetako kide guztiak ekitaldiaren orri ofizialean.