Mantentze industriala
![Mantentze industriala](https://www.tekniker.es/media/uploads/soluciones/ST_MantenimientoIndustrial_808x450px_icono.jpg)
Teknikerrek industria-arloko mantentze-lanetarako irtenbideak eskaintzen ditu, ekipamenduen eta teknologiaren garapenean oinarritzen direnak, bai instalazioen errendimendua hobetzeko, bai eragiketak optimizatzeko, bai produktuek balio erantsi handiagoa izateko, negozioaren emaitzak hobetze aldera.
![Mantentze industriala](https://www.tekniker.es/media/uploads/soluciones/Graf_ST_MantenimientoIndustrial_EU_805px.jpg)
FIDAGARRITASUNA, ESTRATEGIA ETA PLANGINTZA
Xede hauetarako erabiltzen dira mantentze-lanen historiaren analisia, mantentze-lanen prozedura aplikatuak eta informazioa kudeatzeko sistemak eta prozesuak:
- Hutsegiteko moduak karakterizatzeko eta osagai nahiz hutsegite kritikoak zehazteko.
- Ekipoetarako egokiak diren mantentze-lanen prozedurak zehazteko.
- Mantentze-lanen jarduera ebaluatze aldera behar diren adierazleak (KPIak) zehazteko.
- Mantentze-lanei buruzko informazioaren kudeaketa-prozedura zehazteko, beharrezkoa baita hori adierazleak lortzeari begirako datu egituratu eta fidagarriak bermatu nahi badira.
BALDINTZAN OINARRITUTAKO MONITORIZAZIOA
Ekipoen erabilera eta baldintzak monitorizatzeko sistemen bideragarritasun-azterketak, garapena eta ezarpena, askotariko jatorria duten seinaleak hartuz:
- Makinek berezkoak dituzten seinaleak: energia-kontsumoa eta abar.
- Sentsoreak sartuta hartutako seinaleak: bibrazioak, olioaren narriadura, ultrasoinuak eta abar.
- Tekniker Fingerprint metodologia (testa): makinen eta osagaien osasunak denboran duen bilakaeraren azterketa, erraz, azkar eta beti baldintza beretan egiten den test-multzo baten bidezkoa. Makinen edo osagaien osasuna/aztarna “karakterizatzea” da helburua.
SIMULAZIOA - ERABILI BITARTEKO JOKAERA
Erabileran dauden osagai mekanikoen narriadura eta hutsegite-mekanismoen simulazioa, honako hauen bidez:
- Osagaien eta hutsegiteen modelatu birtuala (Digital twin).
- Zerbitzuaren benetako baldintzen simulazioa, saiakuntza-bankuetan
Saiakuntza-bankuen garapena eta saiakuntza-protokoloen zehaztapena.
DATUEN KUDEAKETA
Datuak atzematea, integratzea, biltegiratzea eta ustiatzea.
Datuen analitika: deskribatzailea (adierazleak), prediktiboa eta preskribatzailea.
Erabakiak hartzeko erremintak: mantentze-lanetarako estrategiak eta planak optimizatzeko aginte-mahaiak eta erremintak, mantentze-lanen plangintza eta ordezko piezen kudeaketa.
Diagnostikoari euskarria emateko erremintak.