Sistema ziberfisikoak
Sistema ziberfisiko batean, uztartu egiten dira konputazio-, metatze- eta komunikazio-ahalmenak eta mundu fisikoan objektuei segimendua egiteko eta/edo haiek kontrolatzeko ahalmenak. Normalean, sistema ziberfisikoak elkarri lotuta daude, eta, aldi berean, sare digital globalen mundu birtualari lotuta.
Hauek dira sistema ziberfisikoen funtsezko ezaugarriak:
- objektu fisikoekin harremana sortzeko gaitasuna (monitorizatzeko eta kontrolatzeko), eta
- mundu birtualean eskura dagoen informazioa erabiltzea —kasu batzuetan, ikasteko eta eboluzionatzeko ahalmena izaten dute—.
Tradizionalki, ez dira bat etorri sistema baten ingeniaritza eta garapena eta sistema horren erabilera. Baina sistema baten jokabidea hobetzeko, garrantzitsua da erabileraren esperientzia kontuan izatea. Erabileraren esperientzia hori hauteman eta aztertu egin daiteke, eta, azterketa horretatik abiatuta, jarduteko modua hobetu daiteke. Erabileraren esperientzia hori sistema guztien eskura badago, ikasteko aukerak are handiagoak izango dira.
Sistema ziberfisikoak hainbat sektoretan aplika daitezke, hala nola fabrikazioan, energian, osasungintzan, garraioan, hiri adimendunetan… Adibidez, aukera ematen dute honelako soluzioen belaunaldi berri bat garatzeko:
- makina-erreminta bat edo aerosorgailu bat kontrolatzea errendimendua optimizatzeko.
- Makinaren egoera edo, oro har, sistema baten egoera monitorizatzea eta jardute- eta mantentze-estrategia optimizatzea
- Elkarlarean aritzen diren, testuinguruaren informazioa kontuan hartzen duten eta elkarrengandik ikasten duten robotak
- Abiadura edo ibilbide egokia zehazteko beste ibilgailu batzuekin eta errepide-azpiegiturarekin komunikatzen diren ibilgailuak
TEKNIKERrek teknologia hauek ikertzen ditu:
- Sistema ziberfisikoen ingeniaritza:garapen-metodologiak eta bizi-zikloari laguntzeko tresnak
- Erreferentzia-arkitekturak, elkarreragingarritasuna eta komunikazioak
- Autonomia eta egokitzapena
- Analitika eta Big Data
