Teknikerrek eta Hexagonek amaiera eman diete "Manufacturing Intelligence" jardunaldiei Madrilen

Nola lagun dezake digitalizazioak transmisioen osasuna eta kalitatea egiaztatzen? Galdera hori Hexagon enpresak eta Tekniker zentro teknologikoak Madrilen duen egoitzan antolatutako “Manufacturing Intelligence” hirugarren eta azken jardunaldi teknologikoan aztertu da.

Azaroaren 22an egindako ekitaldian, bi erakundeetako adituek benetako azterketa kasuak aurkeztu dituzte. Kasu horiek erakusten dute teknologia digitalak (gailu elektronikoak eta programa informatikoak, esaterako) eraginkortasunez aplikatu direla hainbat transmisio motaren eraginkortasuna eta kalitatea hobetzeko.

Zehazki, Hexagonek garatutako Romax Enduro software-tresna ezagutzera eman da, transmisio-ereduak azkar eta modu intuitiboan sortzeko eta, funtzionamendua ebaluatu ahal izateko, osagai bakoitza aztertzeko aukera ematen duena.

Espainiako hiriburuko aeronautika sektoreko eta sektore autopropultsatuko profesionalek harrera ona egin diote jardunaldiari, eta horrekin amaitu dira fabrikazio aurreratuaren azken aurrerapenetan eta joeretan zentratutako hiru jardunaldi teknologiko.

Aurrekoak maiatzaren 31n eta ekainaren 21ean egin ziren egoitza berean eta, alde batetik, metrologiaren funtsezko rola nabarmendu zen, industria digitalean prozesuen kalitatea eta eraginkortasuna hobetzeko funtsezko laguntza gisa. Bigarren jardunaldian, bestalde, industria-osagaien fabrikazioan eta neurketan laser teknologia aplikatzeko azken joerak aztertu ziren.

Informazio gehiago

Jardunaldiei buruzko informazio gehiago hemen