Teknologia robotikoak, errepideetako mantentze-lanak seguruagoak, azkarragoak eta eraginkorragoak izan daitezen

Europako errepide nagusi gehienak duela mende erdi baino gehiago eraiki ziren, 1960 eta 1970 artean. Aurreikuspenen arabera, 50 urteko bizitza erabilgarria dute, eta bide horiek berritzeko eta mantentzeko premia larria dago. Hala ere, eguneroko trafiko-bolumen handia dutenez, soluzio teknologiko berriak behar dira lan horiek modu eraginkorragoan eta seguruagoan egin ahal izateko.

Behar horri erantzuteko sortu zen OMICRON proiektua, Tekniker zentro teknologikoak parte hartzen duena, Basque Research and Technology Alliance (BRTA) zentroko kidea, automatizazioko eta adimen artifizialeko teknologiak garatzeko, langileentzat bide-azpiegiturak azkarrago, eraginkorrago eta seguruago mantentzeko.

Ekimena osatzen duten Europako zazpi herrialdetako 16 bazkideek plataforma robotiko adimendun bat garatu dute, ikuskapen digitaleko teknologiak, mantentze-lan prediktiboko teknologiak, esku-hartze eta mantentze adimenduneko teknologiak eta errepideen bizi-ziklo osoa optimizatzeko eraikuntza adimenduna barne hartzen dituena, hasierako ikuskapenetik hasi eta etengabeko mantentze-lanetaraino.

Segurtasuna handitzea eta denborak murriztea

OMICRON proiektuaren soluzioaren ezaugarri nagusietako bat da azterketa azkar eta zehatzak egiteko gaitasuna duela, droneak eta ikuskapen automatikoko ibilgailuak bezalako teknologiak erabiliz, eskuzko ikuskapenei lotutako denbora eta kostuak murriztuz eta segurtasuna hobetuz, langileak trafikoarekiko ahalik eta esposizio txikiena izateko.

Soluzioak dituen teknologien artean, diseinu-eredu digitalak erabiltzea dago, egiturazko osagai aurrefabrikatuak garatzea ahalbidetzen dutenak, hala nola errepide-zatiak eta zubiak.
Zehazki, plataformak eraikuntza-prozesu osoa simulatu eta modu birtualean ikusteko aukera ematen du, diseinutik hasi eta azken muntaketaraino, errepideen eta zubien eraikuntza arinduz, trafiko-etenak murriztuz eta langileen eta gidarien segurtasuna hobetuz.

Arrailen zigilatze robotizatua eta laser bidezko pintura kentzea, bideetako mantentze-lanak egiteko

Soluzioaren fidagarritasuna egiaztatzeko, Teknikerreko ikertzaile-taldeak, Pavasal eta LMS enpresekin batera, hainbat erakustaldi tekniko egin ditu Valentziako A-7 autobidean.

Teknologia aurreratuak inplementatuz, besteak beste, laser sistema bat eta arrailak zigilatzeko robotentzako tresna espezifiko bat, lan kritikoak egin dira, hala nola pintura ezabatzea eta bide-zoruan pitzadurak zigilatzea. Ekintza horiek funtsezkoak dira gidarien eta langileen arrisku-egoerak minimizatzeko, irristatzeak prebenituz eta arrisku horien eraginpean dauden pertsonen esposizioa murriztuz.

"Sistema robotikoa kamioiaren kabinatik bertatik zehaztasunez kontrolatu eta zuzendu daiteke, baita errepidetik kanpo dagoen leku batetik ere, langileek trafiko handiko eremuetan lan arriskutsuak egitea saihestuz", azaldu du Ander Ansuategi Teknikerreko ikertzaileak.

This Project has received funding from the European Union´s Horizon 2020 research and innovation programme under grant agreement N°955269.

OMICRON proiektuaren webgunea